За време на Втората Светска војна, една од најпознатите битки е десантот во Нормандија во 1944 година. Тој преставувал комбинација на воздушна, копнена и морска операција што овозможило голем број на војници, оружје и тенкови да влезат во Франција која била окупирана од страна на нацистите и со тоа да се влезе во нова фаза во војната, која резултирала со освојувањето на западниот дел на Гарманија од страна на американските, британските и француските војници.
​
Генералите кои го планирале десантот во Нормандија ги планирале своите задачи и активности врз база на единствениот поголем десант кој се случил претходно, а тоа е десантот во Алхусменс. 

​Десантот во Алхусменс била голема операција која се случила на 8 септември 1925 година на брегот на Ixdain и La Cebadilla на северниот брег на денешен Мароко. Во тоа време, ново создадената држава позната како Рифска Република заземала дел од северен Мароко и прогласила независност од Султанатот на Мароко. Султанатот бил дотогаш заштитен, според договорот за протекторат, од страна на шпанските и француските војски. Оттука, рифските војници се кренале против овие две европски војски, што довело до голем број на жртви од двете страни на Републиката. 

​Откако мноу француски војници биле убиени и крвопролевање се случило и во шпанската војска за време на Годишната битка во 1021 година од страна на рифските војници, се појавила неопходноста да се запрат активностите во Рифската Република засекогаш. Шпанските и француските војници на 8 септември 1925 година се истовариле на двата брега на Заливот Алхусменс со 13.000 шпански војници во комбинација со шпанско-француска флота која се сосоела од 162 авиони и 104 бродови. 

По истоварот, шпанската војска ги освоила сите делови на Заливот Алхусменс и од таму тргнала кно Рифскиот главен град Axdir. Водачот на рифските бунтовници, Abd-El-Krim, избегал од шпанските војници и се предал на француската војска на 26 мај 1926 година. Со ова завршила бунтовничката Рифска Република, целата територија и била вратена на Султанатот на Мароко, кој повторно бил под политичка рамка од Протекторатот на Шпанија и Франција.

Автор: Кармен Алисиа Лопез Руиз

Оригиналниот напис е достапен во онлајн дигиталниот весник на следниот линк

Превод и едитирање: Љ. Ружинска

Бидете наставник денес. Сепак, наставниците можат и мора да го подобрат своето учење. Тие мора да еволуираат и да ги апсорбираат современите техники за комуникација; тие мора да бидат точни, креативни, интересни. Но, пред сè, тие мора да бидат мотивирани, страствени за својата работа; која е тешка задача и е основна за општеството.

Можеме да започнеме со идејата за „модел училиште“: тоа обезбедува безбедни згради, удобни столови и пространи училници, до 20 ученици на час, добро подготвен и надграден персонал на наставници, сложени и разни наставни ресурси. Тоа е училиште кое никого не остава зад себе затоа што е организирано да го извлече најдоброто од секого.

Училиштето денес мора да биде посериозно од кога и да било. Тоа мора да стане алтернатива на контрадикторниот свет во кој живееме, за да можеме да направиме учениците да се чувствуваат безбедно, да ги „превоспита“ децата и младите да учат, да се ангажираат и да се стремат.

​Наставата не е лесна, но мора да размислиме за тоа што „сѐ треба да направат наставниците“, наместо да ги обвинуваме учениците, родителите или општеството за тоа што не е во ред.

Еве неколку совети за тоа како ги водите  часовите, дури и најтешките, како да ги привлечете и да ги задржите учениците внимателни, како да го добиете незаменливиот авторитет, како да ги мотивирате учениците.

1. Прво дајте, а потоа побарајте: дајте им на учениците почит, внимание, постојаност и разбирање. Вие први!
2. Бидете ентузијастични кога влегувате на часот: ентузијазмот е заразен.
3. Запомнете дека и тешките тинејџери се ваши ученици: тие не се груби, туку лошо образовани; На нив им е потребна помош повеќе од другите!
4. Бидете секогаш подготвени за прашања. Надградете се, прочитајте, проучувајте, дискутирајте!
5. Направете учениците да се чувствуваат дека сакате да им помогнете да научат и дека ве интересираат. Дајте им до знаење!
6. Дајте приоритет на концептите и методите. Добра содржина може да се пронајде и на интернет.
7. Совршена лекција е онаа што ја одработувате со учениците. Тоа е дијалог, а не монолог. Нема учење без учество!
8. За да бидете авторитетен, мора да бидете подготвени и да ја заработите довербата и почитта на учениците.

 
Наставник мора да научи како да учи. Наставникот мора да сака да предава. Едно лице не може да стане наставник по дифолт.
 
Автор: GROSEANU-LUNGU TEODORA-EVA -VII B
 
Оргиналниот напис е објавен во училишниот дигитален весник Media gerner@tion на следниов линк

​Превод на натписот: Б.Јанчевска
Едитирање: Љ. Ружинска

1 декември, за нас, романскиот народ, значи: среќа, радост, сите чувства што можат да изразат гордост во нашата земја. Земја што со текот на времето помина низ многу, но целата болка и страдање исчезнаа кога на 1 декември, романците се собираат пред своите ТВ уреди или одат на самото место и ја гледаат, со рака на срцето и солзи во нивните очи, „Парадата на 1 декември“.

Што значи 1 декември?

​Можеби некои луѓе се прашуваат: „Зошто овој ден?“, Бидејќи на 1 декември 1918 година, во Алба Јулија, се склучи „Големиот сојуз“ на Буковина, Бесарабија и Трансилванија со Кралството Романија, склучен под раководство на кралот Фердинанд де Хоенцолерн.
Всушност, сојузот за прв пат беше склучен во 1600 година, од страна на принцот Michael the Brave, но траеше само до 1601 година.

Како го славиме 1-ви декември?

Обично, секоја година, ние, како народ, го славиме 1 декември преку таканаречената „Парада на 1 декември“ или накратко, го славиме овој ден со учество на воената парада. Bелам обично затоа што оваа година, пандемијата Ковид-19 ни ја одзема радоста да учествуваме на парадата. Убеден сум дека повеќето од нас се надеваат дека овој посебен ден за романскиот народ ќе биде како завој ставен на раните предизвикани од вирусот Ковид-19. Но, веста дека парадата ќе се одржи без гледачи, падна како молња врз Романците од целата земја. Да, парадата се одржа, но не традиционално, не беше како другите години, кога романските војници маршираа околу Триумфалната капија, а борбените авиони летаа над небото и ги делеа облаците на помали парчиња.

За мене, како млад граѓанин на Романија, фактот што 1 декември повеќе не мож да се слави и почести како што треба, ми остави горчина во душата, но ми остана надежта дека следната година ќе бидам безбедна, и присутна на Триумфалната капија на 1 декември!

Автор: Ioniță Liviu VII B
 
Оргиналниот напис е објавен во училишниот дигитален весник Media gerner@tion и може да се најде на следниов линк

​Превод на натписот: Б.Јанчевска
Едитирање: Љ. Ружинска

​Еко Чичевац е неформална група од пет млади луѓе: Милена Благојевиќ, Александар Симиќ, Ивана Петровиќ, Никола Благојевиќ и Стефан Максимовиќ. Создадена е за да се подигне свеста кај младите за екологијата и зачувувањето на природата.

Стефан Максимовиќ, творецот на проектот, ни кажа повеќе за идејата што стои зад проектот:

„Идејата за садење садници постои одамна. Подолг временски период, јас и моите колеги размислувавме за начините да ги поттикнеме луѓето во Чичевац да ја прошират својата свест и да ја зачуваат својата околина. На сите јавни зелени површини се садат различни видови садници, но тие не се грижат и со текот на времето венеат. Јас сум бил сведок кога на повеќе од неколку наврати младите истураат пијалоци врз садниците или фрлаат разни видови ѓубре, кршат гранки и тогаш се појави идејата дека нешто мора да се промени. Овој проект беше како зелено светло за тоа. Концептирањето на проектот не зазеде премногу време, бидејќи веќе ја имавме идејата и знаевме што сакаме да направиме и кои активности сакаме да ги спроведеме. Кога имате добра идеја, одличен тим, сакате да промените нешто, а исто така ја добивате потребната поддршка, сето тоа станува пријатно, а времето не е значаен фактор “.
​
Еколошката свест кај луѓето во Чичевац не е многу висока и ова е главната причина за започнување на овој проект. Една од активностите во проектот е поставување еколошки пораки во близина на местата каде што се собираат многу луѓе. На овој начин тие сакаат да ги мотивираат граѓаните, така што пораките ќе им одекнуваат во умовите на луѓето пред да направат грешка и пред да биде доцна. Проектот ќе има позитивно влијание врз луѓето. Младите и децата, како и сите граѓани мора да бидат свесни за животната средина и нејзината важност за сите нас. Човекот е здрав колку што е чиста и здрава неговата околина.

Од 2000 година до денес, Европската Унија донираше повеќе од 3,6 милијарди евра на Србија.

Средствата беа искористени како поддршка за развојот, квалитетот на животот и реформите во следните сфери: цивилна заштита, одбрана од поплави и помош за поплавените региони, образование, соработка, заштита на животната средина, заштита на здравјето, заштита на потрошувачите , култура, владеење на законот, локален развој, работни места и раст на економијата, јавна администрација, миграција, управување со јавни фондови, граѓанско општество и медиуми, социјална инклузија, млади и спорт. Поддршката на ЕУ се спроведува преку соработка со Владата на Србија. ЕУ донираше повеќе средства за развој од сите други меѓународни донатори заедно.

Јас го прифатив предизвикот, а ти?

Ние би сакале да се слушне нашата порака, луѓето да бидат мотивирани и свеста на луѓето подигната дури и надвор од границите на Ćижевац. Главната цел е сите да создадеме чисто и здраво место за живот, да ги следиме овие идеи и да учиме заедно.

Па, прифати го предизвикот, засади дрво, повикај го друштвото.

Можете исто така да ги следите и на социјалните мрежи:
Instagram: @ekocicevac
Facebook: @Eko Ćićevac

Автор: Сања Јовановиќ

Оригиналниот напис е достапен во онлајн дигиталниот весник на следниот линк

​Превод на натписот: Б.Јанчевска
Едитирање: Љ. Ружинска

Насловот ни дава информации за содржината на статијата. Важно е да нема предолги наслови, тие нема да го привлечат вниманието на читателот затоа што е потребно премногу време за да ги прочитате.

Поднасловот ни дава пошироки информации за содржината на еден текст. Може да се состои од неколку реченици.
​
Заглавието опфаќа општи информации за текстот во зависност од неговиот вид. Заглавието не мора да биде предолго, може да се состои од една реченица.

Постојат два вида на наслови:
​

• Кликбејт наслови

Секојдневно преку социјалните мрежи овие наслови го привлекуваат нашето внимание со цел да нè натераат да кликнеме на нив за да ја видиме нивната содржина. Овие се обично наслови кои немаат никаква врска со нивната содржина, а текстовите што стојат зад нив се често здодевни и безвредни. Кликбејт насловите се обидуваат да создадат емоции кај читателот и да привлечат повеќе луѓе да ја читаат статијата.

• Информативни наслови

Целта на информативните наслови е да предизвикаат интерес кај читателот и да ја опишат накратко содржината на статијата. Информативни наслови ги пренесуваат вистинските информации за текстот. Може да биде интересна реченица од текстот, мисла и секогаш е задебелена или нагласена на некој друг начин (боја, итн.)

Како можеме да ја забележиме разликата помеѓу информативни и кликбејт наслови?

• Пример за кликбејт наслов:
• Морате да го прочитате ова: нема да поверувате што се случило.”
• Пример за информативен наслов:
• Храмот на Свети Сава е еден од најголемите храмови во Европа.”

Кликбејт насловите имаат помалку зборови, додека информативните наслови се подолги и објаснуваат на подобар начин за што станува збор во текстот.
 
Автор: Сања Ивановиќ
Фотографија од  Markus Spiske на Unsplash

​Оригиналниот напис е достапен во онлајн дигиталниот весник на следниот линк

​Превод на натписот: Б.Јанчевска
Едитирање: Љ. Ружинска

Овој наслов е пример за кликбејт наслов што ја прави лута нашата ученичка Леа Харча, како и да е, овој напис нема да биде неточен, во него може да дознаете за некои од техниките на овој сензионалистички пристап на новинарството

Фудбалерот, Лука Модриќ е познат помеѓу љубителите на фудбалот во целиот свет. Неговите фудбалски вештини ги привлекуваат навивачите на стадионот, но тој исто така привлекува и големо медиумско внимание. Многу луѓе сакаат да прочитаат за неговите добри потези на теренот, но и за неговиот личен живот надвор од теренот.

Но, всушност, многу написи за Модриќ не пишуваат никакви важни информации, но читателите кликнуваат на нив затоа што ги залажуваат ваквите наслови: “СИТЕ ОД РЕАЛ СЕ ВО ШОК ОД ИЗГЛЕДОТ НА МОДРИЌ: кондициониот тренер доби задача која што не ја очекуваше”. Овој бомбастичен наслов е објавен на порталот NET.HR (15.07.2017). Можеби само неговите вистински фанови не се разочараа кога прочитаа дека Модриќ ослабел два килограми. Бидејќи тоа беше најважната информации зад овој наслов.

Слична метода за залажување на читателите која се служи со преувеличување, и се служи со изразите шокантно, драматично, нема да поверувате...., е очигледна и во следниот наслов: “Студент го оставил прозорецот од станот отворен 5 месеци, се шокирал кога го видел станот”. Написот е објавен на 7 септември 2020 година на порталот INDEX.HR. Ми се чини дека ништо не е шокантно во пронаоѓањето на измет од гулаби, по оставањето на отворен прозорец, и не гледам зашто ова заслужува да биде материјал за напис. Особено не со таков наслов што го употребува зборот шокантно.

Овие наслови ги издвоивме за да покажеме каков вид наслови се кликбејт наслови. Нивната цел е да ја намамат публиката да кликне на нив. Колку поголем број на кликови, толку е поголема цената за простор за рекламирање во медиумите. Интернет-медиумите претежно заработуваат од продажба на нивниот рекламен простор, бидејќи во повеќето случаи се бесплатни за читање. Поради тоа феноменот кликбејт наслови е се повеќе пространет и има се повеќе вакви наслови кои се обидуваат да го добијат нашиот клик. Притоа тие сметаат на љубопитните читатели, но исто така и на читателите чија медиумска писменост не е на многу високо ниво и не се свесни за техниките на измама кои ги користат креаторите на кликбејт. Затоа еве уште неколку други техники.

Иако некои наслови не користат преувеличени изрази како погоре споменатите и тие можат да бидат кликбејт. Еден од тие е и овој наслов: “Прехрамбените производи се повлечени од продажба бидејќи содржат пластика: Не ги конзумирајте.” Написот е објавен на 4 ноември 2020 година на порталот POSLOVNI.HR. Овој наслов е кликбејт бидејќи ги изоставува клучните информации. Некои такви наслови кои сакаат да ги прикријат клучните информации можат да се препознаат и по фразата еве како. Исто како овој напис со насловот: “Дали ве интересира кој ве блокирал на Фејсбук? Еве како ќе дознаете”, објавена на 25 јануари 2020 година на порталот VRISAK.

Некои портали за да ги сокријат информациите, користат и броеви. Еве еден пример: “Северина го слави својот посебен ден: Таа објави нова фотографија и сите веднаш искоментираа една работа”. Написот е објавен на порталот на 2 септември 2020 година. Таа важна работа беше нејзиниот фустан, кој, како што забележаа нејзините фанови, го носеше веќе неколку пати.

Важно е исто така и нашето време, затоа ви предлагаме да ја погледнете страницата на Фејсбук HEJT ZA KLIKBEJT за повеќе примери за кликбејт. Ако станете вешти во препознавање на ваквите наслови, во иднина ќе потрошите помалку од вашето време на отварање на вакви лажни наслови.

Автор:Леа Харча, 8б;
извор на фотографии: интернет
 
Оргиналниот напис е објавен во училишниот дигитален весник KLINČEK

​Превод на натписот: Б.Јанчевска
Едитирање: Љ. Ружинска

Со првата награда од стручното жири следува и шестдневната филмска работилница во Краљевица за еден член од филмската секција

Филмот „ЈЕЛЕНА И ЈАНА“ од авторите Лука Шок и Леа Харча, беше награден со две награди во категоријата репортажа за време на 58миот Фестивал на хрватски детски филм. Нашиот филм ја доби првата награда од стручното жири и втората награда од детското жири.

Навидум необичното пријателство помеѓу една девојка и нејзиниот постар сосед полека се објаснува низ неколку слоеви. Шармот на оваа репортажа е навистина во оние слоеви во кои можеме да најдеме не само порака од значење за помагање на старите лица, туку и за вредностите на меѓусебно разбирање, блискост и почит - стои во образложението на наградата од стручното жири. Членови на стручното жири беа: режисерот Чејн Черниќ Чанак, аниматорот Петра Злонога, и новинарката и советник во канцеларијата за Правобранител за деца Маја Флего.
​
Членот на стручното жири Маја Флего го прочита објаснувањето за наградата во категоријата ТВ репортажа.

.Ревијата се одржа на островот Мали Лошињ од 1-ви до 4-ти октомври, но поради пандемија „Ковид“, учениците - креаторите на филмовите не беа присутни таму. Само стручното жири и екипата задолжена за видео стриминг беа присутни. Оваа година 245 филмови се пријавија на ревијата, а 86 беа избрани да бидат во трка за награди. Заедно со Јелена и Јана, нашиот филмски дел испрати уште еден наш филм, Волонтерски камп 2019 - Крижевци од авторите Марко Пушкар, Карла Ференчак и Михаела Пачур. Сите филмови во натпреварувачкиот дел од ревијата може да се гледаат на веб-страницата на хрватското филмско здружение HRVATSKI FILMSKI SAVEZ.
​
Заедно со дипломата и пехарот за прва награда од стручното жири, следува и бесплатна шестдневна филмска работилница во Краљевица за еден член на филмската секција. Работилниците ќе се одржат во јули 2021 година. Ментор на филмскиот дел е библиотекарката Стојанка Лесички.

Автор: Валерија Пушкар, 6б
фотографии: снимки од екранот од затварањето на Ревијата.

Оргиналниот напис е објавен во училишниот дигитален весник KLINČEK

Превод на натписот: Б.Јанчевска
Едитирање: Љ. Ружинска