Божиќ - празник обожуван од народот во Романија

Гостин уредник - Романија

​Во нашата земја, зимските празници традиционало започнуваат со Божиќните пости и траат се со празникот Св. Јован. Овој период е богат со традиции и обичаи, кои се различни во различни предели на нашата земја. 
 
Најважните зимски празници за мојот народ се: Божиќните пости (од 15 ноември до 24 декември), Св. Никола (6 декември), Св. Игнатиј (20 декември), Бадник (24 декември), Божиќ (25 декември), Нова Година (1 јануари), Водици (6 јануари) и Св. Јован (7 јануари).

​Пробите и подготовките за пеењето на божиќните песни (carols) започнува уште од постите па се до Св. Никола или може да потрае дури неколку дека до пред Божиќ. Кога пеат, децата користат ѕвончиња и стапови со кои прават голема бучава чија намена е да ја избрка лошата енергија. Игрите со маски ја имаат истата намена: Коза, Мечка или Коњ. Децата се движат со ѕвездата и пеат песни (caroling) до 24 декември, обичај кој е познат меѓу сите христијани, потсетувајќи ги луѓето на ѕвездата која го најавила Исусовото раѓање и која била ѕвезда водилка на тројцата мудреци од истокот (Витлеем). Понекогаш децата пеат песни заедно со Виклеим. Тоа е познат куклен театар кој изведува сцени од Исусовото раѓање. Божиќните песни и денес, како и во минатото, го посакуваат и го најавуваат раѓањето на Исус.

Традицијата на украсување на божиќна елка една од најубавите традиции за мене. На крајот на 19-тиот век, божиќното дрво се украсувало во центарот на градот. По завршувањето на првата светска војна оваа традиција се проширила насекаде во светот. Денес, украсувањето на божиќното дрво е една од најомилените и најсаканите традиции насекаде во светот и е прифатена секаде. Традиционално божиќното дрво се украсува на Бадник и се чува в домот се до Водици.
 
На Божиќ сите грижи ќе исчезнат и секој од нас ќе може да ужива во празнувањето на празниците.
 
Автор: Диана Драгомир - VA

Оргиналниот напис е објавен во училишниот дигитален весник Media gerner@tion на следниов линк

Превод на натписот: М. Тенев
Едитирање: Љ. Ружинска