Лажни вести

Гостин уредник - Србија 

Лажните вести се всушност лага. Тие се создадени со цел да привлечат внимание на колку што е можно поголем број на читатели, да се пристапи до одредена содржина на интернетот или на веб-страницата, така што со кликање на таа содржина авторите на истата имаат профит.
​
Постојат многу весници и интернет портали во Србија кои создаваат лажни вести, а целта на нивното објавување се понекогаш рекламите но, исто така и влијанието кое вестите го имаат на јавноста. Општо познато е дека нешто што ќе се објави на интернет засекогаш останува таму, и одрекувањето на истото колку и да е тоа невистинито не е доволно силно колку и самата невистинита вест. 

Постојат неколку пребарувачи или портали кои „ловат“ лажни вести, така што можете лесно да проверите дали информациите кои ги читате на интернет се вистинити или не. Доколку насловот на веста содржи зборови како ШОКАНТНО или СЕНЗАЦИОНАЛНО, скоро па и секогаш се работи за вест која не е вистинита.
​
Секогаш треба да бидете разумни и логични бидејќи доколку прочитате нешто што е безначајно или пак неверојатно, со сигурност ќе се работи за некоја лажна вест. 

Овој месец во нашето училиште имавме работилница на оваа тема. Работилницата се одржа онлајн од страна на нашата наставничка Александра Милутинович. За да ни го привлече вниманието, таа изведе еден трик. Ја најави работилницата со вест каде што требаше да дознаеме дали е вистинито или не дека на Дедо Мраз му било дозволено да се движи слободно низ светот и да дели подароци на децата и покрај забраната за движење поради пандемијата со коронавирусот. Меѓутоа веста воопштоне беше лажна. На крајот од работилницата дознавме дека во Ирска му било дозволено на Дедо Мраз да се движи, но еден пратеник од нивното Собрание ги замолил децата да не го чекаатт Дедо Мраз во своите дневни соби каде што била поставена елката, туку да спијат во своите соби за да не се сретнат со него и да не се доведуваат во опаност од вирусот.
 
Презентацијата за лажнте вести може да ја најдете тука: https://prezi.com/mkrkvrw7u51p/presentation/
 
Веб-страната за проверка дали веста е лажна или не:https://fakenews.rs/

Автор: Сања Иванович

Оригиналниот напис е достапен во онлајн дигиталниот весник на следниот линк

​Превод на натписот: М. Тенев
Едитирање: Љ. Ружинска