Шестоодделенците учеа за рекламен постер и рекламен спот

​На 14.12.2020 година за време на одделенскиот час во VI-3 одделение, ја обработивме темата рекламен постер и рекламен спот преку работилницата „Аудиовизуелно“, која е дел од нашиот Еразмус+ КА229 проект „Млади новинари денес – одговорни дигитални граѓани утре“. Онлајн работилницата беше реализиарана од страна на нашиот класен раководител, Данела Давковска. 

​Преку презентацијата од работилницата дознавме за: огласување и реклама, рекламна порака и правилата на рекламирањe и ја анализиравме почетната страница на нашиот училишен електронски весник Л.А ИН-ФОРМАТОР. Во текот на зададените задачи ги разгледавме и разговаравме за рекламните постери и спотовите за реклама дојдовме до заклучок дека тие не се нималку реални, но сепак не привлекуваат нас како купувачи да ги купуваме рекламираните производи и да ги користиме во нашиот живот.

​Автор: Александра Митевска VI-3
Фото: screenshots од онлајн часот