Учениците од ООУ,,Љубен Лапе” учеа за моќта на сликата

​На 18.12.2020 година беше реализирана  работилницата „Моќта на сликата“-улогата на фотографијата во медумската содржина, предвидена во рамките на Еразмус+ КА229 проектот „Млади новинари денес – одговорни дигитални граѓани утре“. Со цел остварување на планираната меѓуучилишна соработка со основно училиште на локално ниво, работилницата ја реализираше Магдалена Петреска, одделенски наставник во ООУ,,Лазо Ангеловски” , во текот на одделенскиот  онлајн час за учениците од IV-1 одд. од ООУ,,Љубен Лапе“ – Скопје, по претходно заемен договор со нивниот одделенски наставник Емилија Пап.

​Целта на оваа работилница беше да се разгледаат фотографии/слики и да се објасни нивната улога во пренесување на медиумската порака. Секоја фотографија има одредена порака која треба да се разбере, а сето тоа зависи од личните искуства, вредности и верувања на секоја личност. 

​По презентирањето на основните податоци и факти за постигнување на планираните цели, учениците се здобија со знаења за двата вида едитирање, ТЕХНИЧКО и КРЕАТИВНО и добија задачи преку работни групи да го применат наученото и да го презентираат во текот на работилницата. Тие преку дадените примери ги наведоа потребните податоци за тоа дали дадената слика е “вистинска/реална слика” или сликата е едитирана, дали фотографијата има манипулативна цел, дали е случајно сликана или со добро дефинирана цел, дали станува збор за техничко или креативно едитирање.

​Автор: Магдалена Петреска, одделенски наставник
Фото: screenshots од онлајн часот