Успесите на учениците во Лазо Ангеловски дури и во Корона пандемија

Една од ученичките од нашето училиште, која учествуваше на онлајн натпреварите кои се одржаа во последниот период и покрај Корона пандемијата, е Катерина Иванова од 8-6 одделение. Таа учествуваше на натпревар по биологија и освои 3 награда на регионалниот и на државниот натпревар. Ученичката која освои 1 награда на регионалниот и на државниот натпревар по биологија е исто така ученичка од нашето училиште ООУ „Лазо Ангеловски“, а нејзиното име е Теона Тренеска од 8-5. Регионалниот натпревар се одржа на 26.08.2020, додека државниот се оддржа на 28.9.2020. Преку нивните одговори на прашањата на новинарите од Медиумската секција ќе дознаеме какво е искуството да се учествува на онлајн натпревар. 

Л.А. Ин-форматор: Како се чувствувавте пред почетокот и за време на онлајн натпреварот по биологија?

К.И.: Пред почетокот и за време на онлајн натпреварот јас се чувствував многу исплашено, бидејќи се се случуваше по прв пат и немав никакво претходно искуство како ќе се одвива натпреварот. 
Т.Т.: Се чувстував малку возбудено, бидејќи онлајн натпреварот беше малку поразличен.

Л.А. Ин-форматор: Како се чувствуваш по возбудливо и на каков тип натпревар сакаш повеке да одиш, со физичко присуство или онлајн?

К.И.:  По возбудливо се чувствувам кога одам на натпревари со физичко присуство. Јас имам поголема желба да одам на натпревари со физичко присуство, бидејќи имам поголемо искуство со нив.
Т.Т.:  На натпревар со физичко присуство се чувствувам по возбудено. Двата вида на натпревари се интересни, но мислам дека повеќе ми се допаѓа натпревар со физичко присуство.

ЛА. Ин-форматор: Дали пред натпреварот имавте некакво спремање од страна на наставниците? 

К.И.: Спремањето за натпреварот се одвиваше само со испраќање на податоци од страна на наставниците. Не се оддржуваа никакви подготовки за натпреварот помеѓу нас учениците и наставниците.
Т.Т.:  Да, наставничката ми прати прашања за вежбање преку меил.

ЛА. Ин-форматор: Од колку прашања се состоеше тестот на регионалниот натпревар, а од колку државниот и колку време траеа истите?

К.И. и Т.Т.: Регионалниот натпревар се состоеше од педесет прашања, додека државниот натпревар се состоеше од четириесет и седум прашања. Натпреварот траеше педесет минути и плус петнаесет минути за најава и прашања пред натпреварот.

ЛА. Ин-форматор: За колку време и какви резултати доби на натпреварот?

К.И.: Јас и останатите учесници ги добивме резултатите релативно брзо. Резултатите од регионалниот натпревар ги добив истиот ден додека резултатите од државниот натпревар за два дена. Јас добив многу добри резултати, односно триесет и два бода на регионалниот и триесет и четири бода на државниот натпревар по биологија на кој што учествував, освојувајќи трета награда во двата натпревари.
Т.Т.:  Резултати добив преку меил еден ден по натпреварот. Бев прво место на двата натпревари.

ЛА. Ин-форматор: Какви прашања имаше на натпреварот во кој што учествувавте вие?

К.И.: Имаше доста логички прашања, но повеќето прашања беа од учебниците за шесто, седмо и осмо одделение.
Т.Т.:  Прашањата на натпреварите беа главно на заокружување, а на некои требаше и да се дополни. Меѓу прашања имаше и задачи во кои се бараше само конечниот резултат.

ЛА. Ин-форматор: Дали имаше присутни наставници од нашето училиште ООУ „Лазо Ангеловски“?

К.И.: На натпреварот немаше присутни наставници од нашето училиште, но имаше присутни наставници од повеќе факултети, а имаше и присутни наставници од Македонското Биолошко Друштво
Т.Т.: Присутни наставници на Zoom meeting-от од нашето училиште мислам дека немаше.

ЛА. Ин-форматор: Дали имаш поголема желба да присуствуваш на натпревари со физичко присуство или онлајн преку слушање и гледање?

К.И.: Имам поголема желба да присуствувам на натпревари со физичко присуство, а една од причините поради тоа е дека на онлајн натпреварите постојат шанси за секакви мамења преку различни страници. 
Т.Т.: Повеќе сакам да присуствувам на натпревари со физичко присуство бидејќи има повеќе време за одговарање на прашањата, додека на онлајн натпреварите има пократки прашања, но со помалку време.

ЛА. Ин-форматор: Каде бевте приклучени за да го решавате тестот од натпреварот?

К.И.и Т.Т.: За камера и микрофон бевме приклучени на Zoom, а тестот го решававме преку онлајн страницата Classmarker.

ЛА. Ин-форматор: Кои беа правилата на натпреварот?

К.А.: Правилата на натпреварот беа: поставување на прашања само пред почетокот на натпреварот, микрофонот и камерата мора да бидат вклучени цело време, како и правилото дека никој друг несмее да биде присутен во просторијата освен ученикот. 
Т.Т.: На натпреварот беше забрането исклучување од Zoom meeting-от повеќе од 2 минути (со тоа тестот се затвара). Започнувањето на тестот може да биде најкасно 5 минути по неговото прикачување на ClassMaker (времето за решавање истекува индивидуално за секој ученик). Исто така не беше дозволено враќање на претходно прашање.

Автор: Д.Божиќ (8-6)
Фото: интернет