Осмооделенците учеа за дигиталното граѓанство

​На 18.12.2020 година беше реализирана работилницата „Одговорни дигитални граѓани“ за време на класниот час во VIII-6 одделение од страна на класниот раководител, Тања Крстевска. Работилницата е дел од нашиот Еразмус+ КА229 проект „Млади новинари денес – одговорни дигитални граѓани утре“.

​За време на онлајн работилницата ние се запознавме поимот за дигитално граѓанство и сите елементи кои истото ги опфаќа како и со различните можности за активно дигитално граѓанство.

​Интернетот е генерално многу корисен и со него е олеснет секојдневниот живот на човекот. Преку интернетот е возможно да се прават најразлични активности кои наместо да ги правиме со физичка активност, ние можеме да ги правиме во нашиот дом, дали е тоа пазарување, навигација, комуницирање или друго. Луѓето го користат интернетот за многу секојдневни активности. А во тоа спаѓаат пазарување и трговија или бизнис, во кои се потребни лични информации.  Така доаѓа до појава на приватност и сопственост на граѓаните, која често кај обичниот граѓанин е почитувана, но има и исклучоци. Како и граѓанството во реалниот свет, и дигиталното граѓанство подразбира права и одговорности со можност за доприност и создавање на подобар свет

​Автор: Даријан Атанасовски VIII-6
Фото: screenshots од онлајн часот